TA’LIMDA RAQAMLI TEXNOLOGIYALARDAN FOYDALANISH – DAVR TALABI

Abstract

O‘zbekistonda dunyodagi barcha rivojlangan mamlakatlarda bo‘lgani kabi postindustrial
information jamiyatning shakllanishi davom etmoqda, uning o‘ziga xos belgisi ijtimoiy mehnat taqsimotida
ogʻirlik markazining moddiy ishlab chiqarish sohasidan axborot-kommunikatsiya
texnologiyalari (AKT)ni qoʻllash asosida axborotni olish, qayta ishlash, yetkazish, saqlash, taqdim etish va
foydalanish sohasiga oʻtishidan iborat. Raqamli texnologiyalar yurtimizda ta’lim tizimiga ham faol joriy
etilmoqda. Bu borada O‘zbekiston Respublikasi Prezidentining 2019- yil 29-apreldagi “O‘zbekiston
respublikasi Xalq ta’limi tizimini 2030- yilgacha rivojlantirish Konsepsiyasini tasdiqlash to‘g‘risida”gi PF-
5712-sonli Farmonida “PISA” (The Programme for International Student Assessment) o‘quvchilarni baholash
xalqaro dasturi reytingida O‘zbekistonning 2021-yilda birinchi 70 talikka, 2025 yilda 60 talikka va 2030-yilga
kelib esa, birinchi 30 ta ilg‘or mamlakatlar qatoriga kiritish ko‘zda tutilgan. O‘zbekiston Respublikasi
Vazirlar Mahkamasining 2018-yil 8-dekabrdagi “Xalq ta’limi tizimida ta’lim sifatini baholash sohasidagi
xalqaro tadqiqotlarni tashkil etish chora-tadbirlari to‘g‘risida”gi 997-sonli qarori bilan O‘zbekiston
Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi qoshida “Ta’lim
sifatini baholash bo‘yicha xalqaro tadqiqotlarni amalga oshirish Milliy markazi” tashkil etildi . O‘zbekiston
Respublikasi Prezidentining 2020-yil 5-oktabedagi PF 6079 sonli “Raqamli O‘zbekiston 2030” strategiyasini
tasdiqlash va uni amalga oshirish chora tadbirlari to‘g‘risida”gi farmonida raqamli dunyoda raqamlashtirish,
raqamli texnologiyalarni ishlab chiqish, raqamli iqtisodiyot sohasida yangi loyihalarni ko‘rib chiqish va
raqamli ta’limni rivojlantirish dasturlari
amalga oshirilmoqda.